नाशिकमध्ये आज श्री राम, गरुड रथ यात्रा
नाशिक : श्री रामनवमी नंतर दोन दिवसांनी म्हणजेच आज नाशिकमध्ये श्रीराम व गरुड रथ काढण्याची शेकडो वर्षांची परंपरा आहे. सर्वात महत्वाचे म्हणजे 70 वर्षानंतर गरुड रथाचे मोठ्या प्रमाणात नूतनीकरण करण्यात आले आहे. त्यानिमित्ताने रथाच्या वरच्या अग्रभागी असलेल्या पूर्वापार गरुड मूर्तीचेही नुतनीकरण करण्यात आले आहे. त्या जागी आता फायबर ग्लासमधील गरुडाची पूर्णाकृती मूर्ती दीक्षित परिवाराच्या वतीने नंदन दीक्षित यांनी यावर्षीचे सालकरी हेमंत बुवा, पुजारी संस्थांचे विश्वस्त धनंजय पुजारी आणि नरेश पुजारी यांच्याकडे सुपूर्त करण्यात आली.
याप्रसंगी हेमंत बुवा पुजारी, नंदन दीक्षित, रवींद्र दीक्षित, पवन दीक्षित, विश्वस्त धनंजय पुजारी, नरेश पुजारी, महंत सुधीरदास पुजारी, ॲड. अविनाश भिडे आदी मान्यवर उपस्थित होते. तीन फूट चार इंच रुंद दोन फूट उंच अशी ही आकर्षक मूर्ती मुंबईचे प्रसिद्ध शिल्पकार गणेश शिरसागर यांनी घडवली आहे ही मूर्ती रथावर स्थानापन्न करण्यात आली असून ती रथाचे जणू सारथ्य करणार असल्याचे नंदन दीक्षित म्हणतात.दीक्षित परिवाराच्या मार्गदर्शनाखाली श्री अहिल्याराम व्यायामशाळेचे पदाधिकारी आणि बलोपासक गरुड रथातील पादुकांचे दर्शन भाविकांना घडवून आणत असतात. ही जबाबदारी गरुड रथाचे वंश परंपरागत मानकरी बाळंभट दीक्षितांचे वारसदार असलेल्या दीक्षित परिवाराकडे असते. मुख्य म्हणजे दीक्षित परिवाराने सहाव्या पिढीची ही परंपरा कायम ठेवलेली आहे.असा आहे मिरवणूक मार्ग…. परंपरेनुसार आज मंगळवारी सायंकाळी पाच वाजता श्री काळाराम मंदिर पूर्व दरवाजा येथे यंदाचे उत्सव मानकरी हेमंत बुवा पुजारी यांच्या हस्ते दोन्ही रथांचे विधिवत पूजन केल्यानंतर बुवांनी आदेश देतात गरुड व रामरथ ओढण्यास प्रारंभ केला जाईल रामरथ आणि गरुड रथ ओढण्याची जबाबदारी असलेल्या समस्त पाथरवट समाज व सरदार रस्ते आखाडा तालीम संघ तसेच अहिल्याराम व्यायाम शाळेच्या पदाधिकारी व मानकरांना मानाचा गंध लावून उत्सव मानकरी हेमंत बुवा यांच्या हस्ते मानाचा नारळ दिला जाईल. श्री काळाराम मंदिर पूर्व दरवाजा येथून निघालेली रथयात्रा ढिकले नगर ,नाग चौक, चार हत्तीपूल, काट्यामारुती चौक, जुना आडगाव नाका येथून वळण घेत गणेशवाडी रस्त्याने पुढे गौरी पटांगणावर येईल रामरथ नदी ओलांडत नसल्याने रामरथ म्हसोबा महाराज पटांगणावर उभा केला जाईल. गरुड रथ रोकडोबा, बोरपट्टी, मेन रोड, सराफ बाजार, बालाजी मंदिर, कपूरथळा, परिसरातून मिरविण्यात येऊन म्हसोबा महाराज पटांगणावर आणला जाईल. पुढे दोन्ही रथ रामकुंड येथे नेले जातील.
