गुंतवणूकदारांना रिटर्न दिला दमदार
टाटा समूहाच्या शेअरवर मार्केटमधील गुंतवणूकदार नेहमीच बारीक लक्ष ठेवून असतात. शेअर बाजारात सूचिबद्ध टाटा ग्रुपच्या शेअर्सनी आतापर्यंत भरघोस परतावा दिला आहे. या दरम्यान, मागील वर्षभर रेंगाळणारा टाटा समूहाचा शेअर आता आपली ‘पॉवर’ दाखवत आहे. टाटा मोटर्सचा शेअर एकीकडे काही काळापासून उत्कृष्ट परतावा देत आहेत, त्याचवेळी हा पॉवरफुल टाटा शेअर आज इंट्राडे नव्या उच्च पातळीवर पोहोचले आहेत.
टाटा ग्रुपची कंपनी टाटा पॉवर संदर्भात एक मोठे अपडेट समोर आले आहे. कंपनीला महाराष्ट्र वीज नियामक आयोगाकडून (MERC) वीज दर वाढवण्याची परवानगी मिळाली असून या बातमीचा कंपनीच्या शेअर्सवर जोरदार परिणाम झाला. टाटा पॉवरचा शेअर गुरूवारी ७.६४% मजबूत वाढीसह नव्या उच्चांकावर बंद झाला. गेल्या वर्षभरात टाटा ग्रुपच्या या पॉवर शेअरने १००% परतावा दिला आहे.
MERC कडून शुल्क वाढवण्यास मान्यता
मिळालेल्या माहितीनुसार टाटा पॉवरला MERC कडून दर वाढवण्याची परवानगी मिळाली असून कंपनीला आर्थिक वर्ष २०२५ साठी सरासरी दर २४% वाढवण्यास मान्यता मिळाली असून कंपनीचे नवीन दर १ एप्रिल २०२४ पासून लागू होतील.
टाटा पॉवर नवीन उच्चांकावर
टाटा पॉवरच्या दरात वाढ करण्याच्या मंजुरीचा सकारात्मक परिणाम शेअर्सच्या हालचालीवर दिसून आला. व्यवहाराच्या शेवटी, शेअर ७.६४% वाढीसह ४२४ रुपयांवर बंद झाला. इंट्राडे दरम्यान शेअरने ४३३.२० रुपयांचा उच्चांक गाठला जो शेअरचा ५२ आठवड्यांचा नवा उच्चांक आहे. तर टाटा पॉवर शेअरचा ५२ आठवड्यांचा नीचांक ३९६ असून बीएसईवर कंपनीचे बाजार भांडवल १.३६ लाख कोटी रुपये होते.
टाटा पॉवर शेअर्सच्या कामगिरीवर नजर टाकल्यास गेल्या एका वर्षात या शेअरने १०० टक्क्यांहून अधिक परतावा दिला तर सहा महिन्यांत या शेअरने गुंतवणूकदारांना ६०% परतावा दिला आणि तीन महिन्यांत ३०% हून अधिक परतावा दिला आहे.
