जिल्हात भाजपचे पाच आमदार तरीदेखील मंत्रिपद नाही
नाशिक : नाशिक जिल्ह्यात शिंदे गटाच्या शिवसेनेचे दोन आमदार निवडून आले. तर नाशिक जिल्ह्यात भाजपचे पाच आमदार निवडून आले यामध्ये देवयानी फरांदे, सीमा हिरे, अँड राहुल ढिकले हे नाशिक शहरातून निवडणून आलेले आमदार आहेत तर जिल्हात चांदवडचे आमदार डॉ राहुल आहेर हे देखील भाजपचे आमदार आहेत तर बागलाण मतदारसंघात दीपक बोरसे हे पाचवे आमदार आहेत यामध्ये आमदार देवयानी फरांदे, सीमा हिरे, डॉ राहुल आहेर या तिघांनी हॅट्रिक केली आहे. म्हणजेच सलग तीनवेळा निवडून आलेले चार आमदार आणि दुसऱ्यांदा निवडून आलेला एक आमदार भाजपकडे असताना देखील यामध्ये एकालाही मंत्रिपद न मिळाल्याने आश्चर्य व्यक्त होत आहे. यामध्ये मंत्रिपदासाठी नाशिक शहरातून देवयानी फरांदे यांचे नाव सर्वात पुढे होते. मुख्य म्हणजे देवयानी फरांदे यांच्यापुढे नाशिक मध्य मतदारसंघात ठाकरे गटाच्या वसंत गिते यांचे तगडे आव्हान असतानादेखील त्यांनी प्रतिकूल परिस्थितीत बाजी मारली व त्या 18 हजार मतांनी निवडून आल्या. यादरम्यान त्यांच्यावर अनेक आरोप-प्रत्यारोप झाले मात्र त्या डगमगल्या नाहीत, सुरवातीच्या काळात त्यांना उमेदवारी देण्यावरून देखील घोळ घालण्यात आला मात्र त्या मागे हटल्या नाहीत आणि उमेदवारी मिळवत हिंदू-मुस्लिम संमिश्र लोकवस्तीत व कॉग्रेसच्या पारंपरिक मतदारसंघातुन निवडून आल्या तरी देखील त्यांना मंत्रिपदावर संधी मिळू शकली नाही हे विशेष .दोन आमदार असणाऱ्या शिंदे गटाच्या शिवसेनेला दादा भुसे यांच्या रूपाने मंत्रिपद मिळते त्याचबरोबर नाशिक जिल्ह्याचे पालकमंत्री देखील केले जाते मग भाजप आमदारांच काय चुकले की त्यांना संधी मिळू नये अशी खदखद भाजप कार्यकर्ते व्यक्त करत आहेत. राज्यात भाजप-शिवसेनेची सत्ता असताना पाच वर्षे वाट पाहून देखील भाजप आमदारांच्या पदरी उपेक्षाच पडली. त्यानंतर अडीच वर्षाच्या कार्यकाळात देखील तेच घडले आणि आता पुन्हा महायुतीची सत्ता आली असताना देखील भाजप आमदारांच्या पदरी निराशाच पडली आहे. मुख्य म्हणजे चांदवडचे आमदार डॉ राहुल आहेर यांच्या प्रचार सभेत तत्कालीन उपमुख्यमंत्री व आताचे मुख्यमंत्री देवेंद्र फडणवीस यांनी त्यांना मंत्री करण्याचे जाहीर सभेत सांगितले असताना देखील त्यांना देखील संधी मिळू शकलेली नाही हे विशेष यामुळे सत्ता येऊन आणि भाजपचा मुख्यमंत्री असून देखील भाजप आमदारांना साधे राज्यमंत्रीपद देखील मिळू नये यामुळे भाजप आमदारांमध्ये नाराजी कायम असल्याचे चित्र आहे.
