मध्य मतदारसंघासाठी भाजपा कडून विद्यमान आमदार देवयानी फरांदे यांना उमेदवारी
नाशिक : महाविकास आघाडी असो अथवा महायुती मध्य नाशिक मतदारसंघ हा कळीचा मुद्दा ठरलेला असतानाच आज मध्य नाशिक साठी भाजप ने विद्यमान आमदार असलेल्या देवयानी फरांदे यांच्यावर विश्वास टाकत पुन्हा एकदा उमेदवारी दिल्याने मध्य नाशिक मतदारसंघाचे चित्र जवळपास स्पष्ट झाले आहे . याआधी पश्चिम मतदारसंघातून विद्यमान आमदार सीमा हिरे तर पूर्व मतदारसंघातून विद्यमान आमदार राहुल ढिकले यांना उमेदवारी जाहीर केली होती . मध्य नाशिकच्या मतदारसंघासाठी महाविकास आघाडीत कॉग्रेस आणि ठाकरे गटाच्या शिवसेनेत जोरदार रस्सीखेच असतानाच महाविकास आघाडीत ही जागा ठाकरे गटाच्या शिवसेनेला सुटली. यादरम्यान उमेदवारीसाठी प्रयत्नशील असलेले माजी आमदार वसंतराव गिते यांच्या गळ्यात उमेदवारीची माळ पडली मात्र महाविकास आघाडीत बिघाडी होऊन कॉग्रेसमध्ये नाराजीचा सूर पसरला हा सूर अजूनही संपलेला नाही यावर कॉग्रेसकडून इशारे देण्याचे काम सुरूच आहे. तर इकडे महायुतीत भाजपला सुटलेल्या मध्य मतदारसंघात सर्व काही अल-बेल नव्हतं. भाजपच्या पहिल्या यादीत दोन विद्यमान आमदारांच नाव पुन्हा आलं, मात्र विद्यमान आमदार असलेल्या देवयानी फरांदे यांच नाव न आल्याने चर्चेला सुरवात झाली उमेदवार कोण असणार ? नवीन उमेदवार असणार का ,यादरम्यान 21 नगरसेवक व आमदार देवयानी फरांदे यांनी उपमुख्यमंत्री देवेंद्र फडणवीस यांचा सागर बंगला गाठत थेट शक्तिप्रदर्शन केले .यावेळी महत्वाच्या पदाधिकाऱ्यांनी फडणवीस यांच्याबरोबर चर्चा करत ऐनवेळी उमेदवार बदलणे धोक्याचे ठरू शकते असे सांगितले अखेर दुसऱ्या यादीत विद्यमान आमदार देवयानी फरांदे यांचं नाव आलं आणि लढत जवळपास स्पष्ट झाली मात्र आता मध्य मतदारसंघात कॉग्रेस काय भूमिका घेते आणि महाराष्ट्र नवनिर्माण सेना आपले कुठले पत्ते उघड करते यावर सर्व गणित अवलंबून असणार आहे. मात्र मध्यची लढत ही चुरशीची होणार हे निश्चित याआधी भाजपच्या दुसऱ्या यादीत देवयानी फरांदे यांचे नाव असण्याची शक्यता असून फरांदे यांना संधी मिळणार अशी शक्यता black and white च्या वतीने करण्यात आली होती आणि ती खरी ठरली
