अखेर “राज” पुत्र निवडणुकीच्या मैदानात

मनसेच्या 45 उमेदवारांची घोषणा

नाशिक :विधानसभेच्या निवडणुकीसाठी मनसेने त्यांची पहिली यादी जाहीर केली आहे. मनसे अध्यक्ष राज ठाकरे यांचे पूत्र अमित ठाकरे निवडणुकीच्या रिंगणात उतरणार आहेत. अमित ठाकरे यांना माहिममधून उमेदवारी मिळाली आहे. तर वरळीमधून आदित्य ठाकरे यांच्याविरोधात संदीप देशपांडे यांना मनसेने उमेदवारी दिली आहे. तर ठाणे शहरमधून अविनाश जाधव आणि कल्याण ग्रामीणमधून राजू पाटील यांना मनसेचं तिकीट देण्यात आलं आहे. मनसे अध्यक्ष राज ठाकरे यांनी कालच अविनाश जाधव आणि राजू पाटील यांची उमेदवारी जाहीर केली होती. बेलापूरमधून मनसेने गजानन काळेंना तिकीट दिलं आहे.