इंदिरानगर परिसरातील घटना, हळहळ व्यक्त
नाशिक : नाशिक शहरातील इंदिरानगर परिसरातील साईनाथ नगर चौफुली जवळील इमारतीत एक धक्कादायक घटना घडल्याने परिसरात हळहळ व्यक्त करण्यात येत आहे . मिळालेल्या माहितीनुसार अशोका मार्ग परिसरात राहणाऱ्या खाटीक अमन गुलमोहम्मद ( वय 22 ) ही वडाळा रोड परिसरातील नाशिकच्या JMCT पॉलिटेक्निकल कॉलेजमध्ये शिकत असणाऱ्या तरुणीने आज दुपारी दोन वाजेच्या सुमारास जनार्दन वाडी जवळील प्रतिभा इमारतीच्या गच्चीवरून उडी मारून आत्महत्या केल्याने खळबळ उडाली आहे. मुख्य म्हणजे ही तरुणी आज (19 ऑक्टोबर) सकाळी 10 वाजेच्या सुमारास प्रतिभा इमारतीच्या तिसऱ्या मजल्यावर येऊन पुन्हा निघून गेली होती मात्र दुपारी दोनच्या सुमारास ही तरुणी पुन्हा याच इमारतीत आली आणि गच्चीवर जात तेथून उडी घेत आपले जीवन संपवलं.तिसऱ्या मजल्यावरुन खाली पडल्यानंतर तरुणीचा जागीच मृत्यू झाला आहे. मृत तरुणी ही मूळची जळगाव जिल्ह्यातील अंमळनेरची रहिवाशी असल्याचे समजते (सध्या अशोका मार्ग परिसरात) या घटनेची माहिती स्थानिक नागरिकांनी इंदिरानगर पोलीस ठाण्यात दिली असता त्यानंतर इंदिरानगर पोलीस ठाण्याचे वरिष्ठ पोलीस निरीक्षक रामदास शेळके आणि पोलीस कर्मचारी हे घटनास्थळी दाखल झाले त्यांनी घटनेचा पंचनामा केला त्यानंतर तरुणीचा मृतदेह शवविच्छेदनसाठी नाशिकच्या जिल्हा रुग्णालयात दाखल केला. आत्महत्येचं कारण अजून अस्पष्ट असून पोलीस पुढील तपास करत आहेत
