गुजरात मध्ये 1 कोटी 60 लाखांच्या नकली नोटा जप्त
नाशिक : आधुनिक तंत्रज्ञानाचा वापर करून अशक्य गोष्टी शक्य करता येऊ शकतात अशीच एक घटना गुजरात मधील अहमदाबाद येथे घडली असून या घटनेचा व्हिडीओ सोशल मीडियावर जोरदार व्हायरल झाला आहे.
500 रुपयांच्या नोटांवर चक्क महात्मा गांधी यांच्या ऐवजी अभिनेता अनुपम खेर यांचा फोटो छापण्यात आला असून याचा व्हिडीओ खुद्द अनुपम खेर यांनी इंस्टाग्रामवर शेअर करून आश्चर्य व्यक्त केल आहे. कॅप्शन मध्ये त्यांनी लिहिलं आहे. “आता बोला 500 रुपयांच्या नोटांवर गांधीजींच्या फोटोऐवजी माझा फोटो ? खरच काहीही होऊ शकत . मुख्य म्हणजे व्हिडीओमध्ये दिसणाऱ्या नोटांचा आकार, रंग आणि डिझाईन अगदी खऱ्या नोटांप्रमाणेच आहे. त्या नोटांवर रिझर्व्ह बँक ऑफ इंडिया ऐवजी रिझोल बँक ऑफ इंडिया असे लिहिलेले आहे. नोट अगदी तशीच दिसत होती. त्या नोटेची डिझाइनपासून रंग आणि आकारापर्यंत सगळ्या गोष्टी या खऱ्या दिसत होत्या. मिळालेल्या माहितीनुसार सराफा व्यापारी मेहुल ठक्करकडून बनावट नोटा जप्त करण्यात आल्या आहेत. सराफा व्यापाऱ्याने सांगितले की, 1 कोटी 60 लाख रुपये रोख स्वरूपात द्यायचे होते. एका व्यक्तीने रोख रक्कम भरुन बॅग दिली. बॅग उघडली असता त्यात महात्मा गांधींच्या जागी अनुपम खेर यांच्या फोटोसह बनावट नोटा आढळून आल्या. व्यवसायिकाच्या तक्रारी वरून पोलिसांनी अज्ञात व्यक्ती विरोधात गुन्हा दाखल केला असून यामागील सूत्रधार कोण याचा शोध घेतला जात आहे.मात्र यामुळे सोशल मीडियावर मिम्सचा पाऊस पडत असून मजेशीर कॉमेंट्स बघायला मिळत आहेत तर काहीजण अनुपम खेर यांना डोक्यावर बाल उगवण्याचा सल्ला देखील देत आहेत.
