नाशिक : शहरात आज धक्कादायक घटना समोर आली आहे. नाशिक शहरातील पाथर्डी फाटा परिसरातील सराफ नगर भागात वडील, आई व मुलीने आज सकाळी आत्महत्या केल्याने परिसरात खळबळ उडाली आहे . एका खाजगी कंपनीत कामाला असलेले विजय सहाने (36) पत्नी ज्ञानेश्वरी सहाने (32) व इयत्ता तिसरीत शिकणारी मुलगी अनन्य सहाने(9) हे कुटूंब मूळचे गौवळाणे गावातील असून सध्या ते पाथर्डी परिसरात आजोबा माणिक आणि लिलाबाई यांच्या समवेत प्रतिगंगा रो-हाऊस मध्ये वास्तवास होते. सकाळी आठ ते नऊच्या दरम्यान नात शाळेत जाण्यासाठी रूम मधून खाली आली नसल्याने आजोबा माणिक बघण्यासाठी वरच्या मजल्यावर गेले. मात्र दरवाजा आतून बंद होता.त्यांनी बराच वेळ दरवाजा वाजवला मात्र आतून कुठलाही प्रतिसाद मिळाला नसल्याने घाबरलेल्या माणिक यांनी मदतीसाठी समोर राहणाऱ्या लोकांना बोलावले. यादरम्यान परिसरात नेहमी दूध वाटणाऱ्या व्यक्तीने दरवाजा तोडला यावेळी घरात प्रवेश केल्यानंतर तिघेही मूर्त अवस्थेत आढळून आले.इंदिरानगर पोलिसांकडून या घटनेचा तपास सुरू असून मिळालेल्या माहितीनुसार या दाम्पत्याने आधी मुलीला विष पाजले आणि यानंतर पती आणि पत्नीने गळफास घेतल्याचा संशय व्यक्त करण्यात येत आहे.मुख्य म्हणजे एका दिवसाआधी ते त्रंबकेश्वरला देवदर्शनाला गेले होते.
