नाशिक : संपूर्ण महाराष्ट्रात गणेश विसर्जनाचा उत्साह शिगेला पोहचला असतानाच नाशिक शहरातून एक धक्कादायक व वाईट बातमी समोर आली आहे. गणेश विसर्जनादरम्यान दोन युवकांचा नदीत बुडून मृत्यू झाल्याने शहरात हळहळ व्यक्त करण्यात येत आहे. मिळालेल्या माहितीनुसार पाथर्डी रोड परिसरात असलेल्या म्हाडा कॉलनीजवळ साई अव्हेन्यू इमारतीत राहणारे स्वयंम भैया मोरे (24) व ओमकार चंद्रकांत गाडे (23) हे मृत्यू झालेल्यांची नावे असून ओमकार हा केटीएचएम महाविद्यालयात शिकत होता तर स्वयंम अभियांत्रिकीचा विद्यार्थी होता.ओमकार आणि स्वयंम काल संध्याकाळी मित्रांसोबत वालदेवी नदीत गणपती विसर्जनासाठी गेले होते. यादरम्यान नदी पात्रातील एका खड्यात ते पडले.बराच वेळ पाण्यातून बाहेर न येता आल्याने त्यांचा मृत्यू झाला.या घटनेची माहिती मिळताच अग्निशमन दल घटनास्थळी पोहचले.तब्बल एका तासाच्या प्रयत्नानंतर अग्निशमन दलाला दोघांचे मृतदेह बाहेर काढण्यात यश आले.ओंकार आणि स्वयंम जिवलग मित्र होते. या घटनेने शहरात हळहळ व्यक्त करण्यात येत आहे.
