श्रावणाची सुरवात आणि शेवट दोन्हीही सोमवारीच

71 वर्षांनी असा दुर्मिळ योग तर 18 वर्षांनंतर 5 सोमवार

नाशिक : हिंदू धर्मामध्ये श्रावण महिन्याला विशेष असे महत्त्व आहे. श्रावण महिना अतिशय पवित्र मानला जातो.या महिन्यात भगवान महादेवाची व माता पार्वतीची खास पूजा केली जाते. भगवान महादेवांना समर्पित असे व्रतवैकल्ये याच महिन्यात केली जातात. या कालावधीत केलेले जप, तप आराधना फलदायी ठरतात या या श्रावण महिन्यात अनेक योगायोग जुळून आले आहेत . मुख्य म्हणजे 71 वर्षांनी दुर्मीळ असा योग जुळून आला आहे. तो म्हणजे श्रावणाच्या पहिल्याच दिवशी सोमवार येण्याचा दुर्मीळ योग जुळून आला आहे. श्रावणाला पाच ऑगस्ट सोमवारी सुरुवात झाली असून तर सांगता 2 सप्टेंबर सोमवार रोजी होणार आहे. 3 सप्टेंबरला श्रावण अमावस्या आहे. 18 वर्षानंतर पाच श्रावणी सोमवार  यंदाच्या श्रावणी सोमवारचे आणखीन एक वैशिष्ट्य म्हणजे 5 श्रावणी सोमवार असणार आहेत. श्रावण महिन्यात सहसा 4 सोमवार येतात. सन 2006 मध्ये श्रावणात पाच सोमवार आली होती त्यानंतर 18 वर्षानंतर यंदा श्रावणात पाच सोमवार आले आहेत गेल्या वर्षी अधिक मास व श्रावण एकत्रित आल्याने दोन महिने श्रावण महिना साजरा करण्यात आला होता. सन 2026 मध्ये ज्येष्ठ अधिक मास येणार आहे तर अठरा वर्षानंतर म्हणजेच 2042 मध्ये श्रावण अधिकमास एकत्रित येणार आहेत. हे  करा अर्पण 5 ऑगस्ट (पहिला सोमवार) – तांदूळ 12 ऑगस्ट (दुसरा सोमवार)-तीळ 19 ऑगस्ट (तिसरा सोमवार)-मूग 26 ऑगस्ट (चौथा सोमवार) –जवस 2 सप्टेंबर (पाचवा सोमवार)- सातू