“एक्सवरून” पाठीत खंजीर खुपसणार फोटो पोस्ट करत राऊत यांच्यावर साधला निशाणा
नाशिक : वंचित बहुजन आघाडीचे नेते प्रकाश आंबेडकर यांनी शिवसेना ठाकरे गटाचे नेते संजय राऊत यांच्यावर गंभीर आरोप केलेत. यावेळी त्यांनी संजय राऊत यांनी पाठीत खंजीर खूपसला असल्याचाही आरोप केला. प्रकाश आंबेडकर यांनी पत्रकार परिषद घेऊन महाविकास आघाडीतून बाहेर पडत नऊ उमेदवारांची घोषणा केली त्या संदर्भात प्रतिक्रिया व्यक्त करताना संजय राऊत म्हणाले वंचित बहुजन आघाडीला पाच जागांचा प्रस्ताव दिला होता त्यांच्यासाठी आम्ही अजूनही थांबलेलो आहोत त्यांच्याशी अजूनही चर्चा होऊ शकते अशी महाविकास आघाडीची भूमिका आहे. वंचितने उमेदवार जाहीर केले असतील तर हे महाराष्ट्राचे आणि डॉक्टर बाबासाहेब आंबेडकर यांनी निर्माण केलेल्या संविधानाचे दुर्दैव आहे अशी खंत त्यांनी व्यक्त केली होती या या पार्श्वभूमीवर प्रकाश आंबेडकर यांनी एक्सवर पाठीत खंजीर खुपसणारा फोटो पोस्ट करत संजय राऊत यांच्यावर निशाणा साधला संजय आणखीन किती खोटे बोलणार ? तुमचे आणि आमचे विचार एक असतील तर मग आम्हाला तुम्ही बैठकीत का बोलवत नाही ६ मार्च रोजी हॉटेल फोर सीजन मध्ये बैठक झाली. या बैठकीला आमच्या प्रतिनिधींना आमंत्रित का केले नाही आजही तुम्ही वंचितला निमंत्रित न करता बैठक का घेत आहात असे सवाल प्रकाश आंबेडकर यांनी संजय राऊत यांना उद्देशून केले आहे सिल्वर ओक वर झालेल्या बैठकीत तुम्ही काय भूमिका घेतली होती हे आम्हाला ठाऊक आहे अकोल्यात माझ्या विरोधात उमेदवार देण्याचा प्रस्ताव तुम्ही ठेवला होता हे खरे नाही का एका बाजूला तुम्ही युती करण्याचा भास निर्माण करीत आहात आणि दुसरीकडे आम्हाला पराभूत करण्याचे कट कारस्थान रचत आहात हेच आपले विचार आहेत का असे प्रकाश आंबेडकर यांनी म्हटले आहे.
