तेलंगणात सामाजिक विचारांवर हल्ला; महात्मा फुले पुतळा विटंबनेवर भुजबळ आक्रमक
तेलंगणा राज्यातील संगारेड्डी जिल्ह्यातील तेल्लापुर गावात क्रांतीसुर्य महात्मा जोतिबा फुले यांच्या पुतळ्यावर समाजकंटकांनी हल्ला करून केलेल्या विटंबनेची घटना निंदनीय आहे. या हीन कृत्याचा आणि यात सहभागी समाजकंटकांचा मी तीव्र निषेध करतो. ही फक्त जोतिबांच्या पुतळ्याची विटंबना नाही, तर आपल्या सामाजिक विचारांवर आणि समतेच्या मूल्यांवर केलेला आघात आहे.या घटनेचे गांभीर्य लक्षात घेऊन मी तात्काळ केंद्रीय गृहमंत्री माननीय श्री. अमित शाह जी यांच्याकडे निवेदनाद्वारे या गुन्ह्यातील दोषींना तात्काळ अटक करून कठोर कारवाई करण्याची मागणी केली आहे. ज्या ठिकाणी ही विटंबना झाली, तिथेच महात्मा फुले यांचा भव्य पुतळा पुन्हा सन्मानपूर्वक स्थापित करून, अशा घटनांची पुनरावृत्ती टाळण्यासाठी कडक सुरक्षा व्यवस्था तैनात करण्याचीही विनंती केली आहे. जोतिबांचा अपमान महाराष्ट्र कधीही सहन करणार नाही. सामाजिक न्याय आणि घटनात्मक मूल्यांच्या रक्षणासाठी या प्रकरणाची गंभीर दखल तेलंगणा सरकारनेही घेतली पाहिजे
.#JusticeForPhule#CondemnVandalism#ProtectSocialEquality#StandAgainstHate
