काठे गल्ली रस्त्यावरून तीन दिवस वाहनांना प्रवेश बंद
नाशिक : नाशिकच्या काठे गल्लीत अनधिकृत दर्गा बांधकाम तोडकामाच्याआधी अचानक चालून आलेल्या जमावाने पोलिसांवर दगडफेक केली. त्यानंतर पोलिसांना अश्रूधुराच्या नळकांड्या फोडाव्या लागल्या.मिळालेल्या माहितीनुसार शहर पोलीस आयुक्तालय व वाहतूक शाखेच्या वतीने कायदा व सुव्यवस्थेच्या कारणासाठी काठे गल्ली सिग्नल ते वडाळारोड वरील नागजी सिग्नल पर्यंत बुधवारी रात्री पासून शुक्रवारी रात्रीपर्यंत सर्व प्रकारच्या वाहनांसाठी बंद करण्यात येत असतानाच रात्री साडेबारा वाजेच्या दरम्यान अचानक जमलेल्या मोठया जमावाने चालून येत पोलिसांवर दगडफेक सुरू केली.या घटनेत 31 पोलीस कर्मचारी जखमी झाल्याची माहिती मिळत आहे. यादरम्यान पोलिसांनी जमावाला पांगवण्यासाठी अश्रुधुराच्या नळकांड्या फोडल्या जमावाने काही गाड्यांची तोडफोड देखील केल्याचे समजते. दरम्यान घटनेची माहिती मिळताच राज्य राखीव पोलीस दलाची तुकडी तातडीने घटनास्थळी दाखल करण्यात आली. घटनेचे गांभीर्य लक्षात घेता द्वारकाकडे येणारे अनेक रस्ते बंद करण्यात आले. काही वेळातच पोलिसांनी परिस्थिती नियंत्रणात आणली. या दगडफेकीतील 15 संशयितांना पोलिसांनी ताब्यात घेतलं आहे. पोलिसांनी दिलेल्या माहितीनुसार, संतप्त जमावाची समजूत काढण्यासाठी या दर्ग्याचे ट्रस्टी आणि प्रतिष्ठित नागरिकांना बोलावण्यात आले होते, परंतु त्यांनाही जमावाने जुमानले नाही. त्या रस्त्यावरून तीन दिवस वाहनांना प्रवेश बंद……. काठे गल्ली सिग्नल कडून भाभानगर कडे जाणाऱ्या रस्त्यावर वडाळा रोडवरील नागजी सिग्नल पासून पुढे दुतर्फा वाहनांना ये जा करण्यास बंदी घालण्यात आली आहे. या मार्गावरून बुधवारी रात्रीपासून वाहनांना प्रवेश बंद करण्यात येणार असल्याचे अधिसूचनेत म्हटले आहे. वाहन चालकांनी पर्यायी मार्गाचा वापर करावा असे आवाहन वाहतूक शाखेकडून करण्यात आले आहे. मुंबईनाक्याकडून भाभानगर व काठेगल्ली पखालरोड कडे जाणाऱ्या वाहन चालकांनी वडाळामार्गे द्वारका वडाळारोड मार्गे भारतनगर अशोका मार्गावरून पुढे इतरत्र जाईल. तसेच काठेगल्ली कडून येणारी वाहने पुणे महामार्गावरून सरळ द्वारका चौकाकडे व तेथून डावीकडे वळण घेत मुंबई नाकाच्या दिशेने रवाना होतील सर्व नागरिकांनी या अधिसूचनेचे पालन करणे बंधनकारक करण्यात आलेले आहे. याबाबतची अधिसूचना पोलीस उपायुक्त चंद्रकांत खांडवी यांनी मंगळवारी काढली आहे
