मध्य नाशिकमध्ये परिवर्तन अटळ
नाशिक : भयमुक्त नाशिक आणि नाशिकच्या विकासासाठी जेष्ठ नागरिकांनी पुढाकार घ्यावा व आपल्या विजयासाठी आशीर्वाद द्यावेत असे आवाहन नाशिक मध्य मतदारसंघातील महाविकास आघाडीच्या ठाकरे गटाच्या शिवसेनेचे उमेदवार वसंत गिते यांनी केले. इंदिरानगर परिसरातील कृतार्थ जेष्ठ नागरिक संघाच्या वतीने आयोजित कार्यक्रमात ते बोलत होते. यादरम्यान विधानसभा निवडणुकीत मध्य नाशिक मतदारसंघासातील विजयासाठी जेष्ठ नागरिकांनी वसंत गिते यांना आशीर्वाद दिला. यावेळी गिते यांनी आपल्या महापौरपदाच्या कालावधीत राबविले उपक्रम त्याचबरोबर नाशिक शहरासाठी केलेल्या कामांची माहिती यावेळी दिली यापुढेही नाशिकच्या विकासासाठी प्रयत्न करणार असल्याचेही ते म्हणाले .शहराची गेल्या 10 वर्षात अनेक क्षेत्रात घसरण झाली असून यामुळे बदल हवा आहे हा बदल घडविण्यासाठीच मला उमेदवारी दिली असल्याचे गिते म्हणाले यावेळी वासुदेव पांडे, श्रीपाद कुलकर्णी व मान्यवर उपस्थित होते. नाशिक शहरातील श्रीरामाच्या पदस्पर्शाने पावन झालेल्या तपोवन परिसरात देखील नागरिकांच्या भेटीगाठी तेथील नागरिकांच्या समस्या वसंत गिते यांनी जाणून घेतल्या यावेळी परिसरातील नागरिकांनी मोठ्याप्रमाणात गर्दी केली होती. भयमुक्त नाशिकसाठी मतदान करण्याचे आवाहन यावेळी मध्यचे उमेदवार वसंत गिते यांनी केले.
