विद्यमान आमदार देवयानी फरांदे यांना पुन्हा मिळणार संधी
नाशिक : भारतीय जनता पक्षाच्या वतीने आज विधानसभा निवडणुकीच्या उमेदवारांची पहिली यादी जाहीर केली . भाजप कडून 99 उमेदवारांची यादी आज जाहीर करण्यात आली. यामध्ये नाशिक पूर्व या मतदारसंघात पुन्हा एकदा विद्यमान आमदार राहुल उत्तमराव ढिकले यांच्यावर पक्षाने विश्वास टाकत पुन्हा उमेदवारी दिली तर दुसरीकडे पश्चिम मतदारसंघात गेल्या दोन ते तीन दिवसांपासून इच्छुक उमेदवारांनी पक्षाची डोखेदुखी वाढवत विद्यमान आमदार सीमा हिरे यांच्या उमेदवारीला विरोध करत दुसऱ्या उमेदवाराला तिकीट देण्याची मागणी पक्षाच्या वरीष्ठ नेत्यांकडे करत पुन्हा हिरे यांना तिकीट दिल्यास काम करणार नसल्याचा इशारा दिला असताना देखील या वादग्रस्त मतदारसंघात पुन्हा एकदा भाजपाने विद्यमान आमदार सीमा हिरे यांच्यावर विश्वास टाकत त्यांची उमेदवारी जाहीर केली. मात्र मध्य मतदार संघाचा उमेदवार जाहीर न झाल्याने भाजपा कार्यकर्त्यांमध्ये चर्चा सुरू आहे याला कारण म्हणजे पश्चिम मतदारसंघात इच्छुक उमेदवारांची संख्या जास्त असताना देखील भाजपाने रिस्क घेत तेथिल विद्यमान आमदार हिरे यांना उमेदवारी जाहीर केली. मात्र मध्य मतदारसंघात अडचण नसताना उमेदवारी का जाहीर करण्यात आली नाही हा प्रश्न कार्यकर्त्यांना पडला असून black and white ला मिळालेल्या सूत्रांच्या माहीतीनुसार विधानसभेसाठी भाजपा कडून टप्याटप्याने तीन याद्या जाहीर करण्यात येणार असून उद्या जाहीर होणाऱ्या यादीत मध्य मतदारसंघासाठी विद्यमान आमदार देवयानी फरांदे यांची उमेदवारी जाहीर होण्याची शक्यता आहे.
