सात मिनिटांचा थरार आणि कडव्या प्रतिकारामुळे दरोडेखोरांनी काढला पळ
नाशिक : शहरातील हिरावाडी रोड परिसरात असलेल्या न्यू समृद्धी ज्वेलर्स दुकानावर शुक्रवारी रात्री नऊ वाजेच्या दरम्यान हातात बंदूक घेऊन आलेल्या पाच ते सहा दरोडेखोरांनी सोने चांदीचा ऐवज लुटून नेला यादरम्यान दुकान मालक तसेच दुकानातील महिला व कामगारांशी झटापट करत मारहाण करण्यात आली. यामध्ये एक जण गंभीर जखमी झाला असून भरवस्तीत झालेल्या या धाडसी दरोड्याने खळबळ उडाली आहे. मिळालेल्या माहितीनुसार हिरावाडी रोडवर चंद्रभागा अपार्टमेंट गाळा क्रमांक तीन येथे नयना पगारिया यांचे न्यू समृद्धी ज्वेलर्स नावाचे दुकान असून रात्री नऊ वाजता पगारिया महिला कामगार सोनाली पाटील तसेच अमित श्री श्रीमाळ असे तिघेजण दुकान बंद करण्याच्या तयारीत असताना दोन दुचाकीवरून सहा जण आले. त्यातील दोघेजण बाहेर थांबले तर तोंडाला मास्क व टोपी परिधान केलेल्या चौघांनी दुकानात प्रवेश करत ज्वेलर्स दुकान मालक पगारिया यांच्यावर बंदूक रोखत दागिने लुटण्याचा प्रयत्न केला त्यावेळी दरोडेखोरांना प्रतिकार करताना पगारिया यांनी हातातील ट्रे फेकला. तर सोनाली व अमित यांनीही दरोडेखोरांना प्रतिकाराचा प्रयत्न केला त्यावेळी दरोडेखोर व कामगार यांच्यात झालेला झटापटीत दरोडेखोरांनी हातातील बंदूक अमितच्या डोक्यात उलट्या बाजूने मारली. वर्मी घाव बसल्याने अमित रक्तभांबाळ झाला तरी त्याने एका दरोडेखोराला पकडले मात्र झटापटी त्याचा शर्ट फाटला व त्यानंतर आरडाओरोड केल्यावर दरोडेखोर दुचाकीवरून पसार झाले. या घटनेने परिसर हादरून गेला असून जखमी अमित याच्या डोक्याला 14 टाके पडले आहेत दुकानातून सोन्याचे पदक लहान मुलांचे अंगठी व इतर दागिने दरोडेखोराने लुटून नेल्याची माहिती दुकान मालक पगारिया यांनी दिली सदर घटनेनंतर न्याय सहाय्यक वैज्ञानिक प्रयोगशाळा पथक घटनास्थळी दाखल झाले होते त्यांनी दुकानात घुसलेल्या संशयतांनी हात लावलेल्या काही वस्तूचे ठसे नमुने घेतले. घटनेनंतर पोलिसांनी दुकानातील तसेच परिसरातील सीसीटीव्ही कॅमेरे फुटेज तपासणी करून त्यावरून संशयीतांचा शोध घेण्यासाठी पथके रवाना करत शहरातील मुख्य रस्त्यांवर नाकाबंदी करण्यात आली. हा सर्व थरार सात मिनिटे चालू होता कडव्या प्रतिकारामुळे दरोडेखोरांनी पळ काढला
